ឆ្លងខ្លាំងពេក ពេលនេះ​ WHO ប្រកាសអាសន្នពីជំងឺអុតស្វា ខណៈ​មនុស្ស ៥ នាក់ហើយបាន​ស្លាប់

70

អង្គការសុខភាពពិភពលោក (World Health Organization) ប្រកាសថា ជំងឺអុតស្វា (Monkeypox) ជាជំងឺឆ្លងសកលអាសន្ន សម្រាប់ពិភពលោក​ទាំងមូល។

បានធ្វើការប្រកាសថា ជំងឺអុតស្វា (Monkeypox) គឺជារោគអាសន្ននៃសុខភាពសកល នេះបើយោងតាមការចុះផ្សាយនៅលើសារព័ត៌មាន BBC។

លោក Tedros Adhanom Ghebreyesus អគ្គនាយកអង្គការសុខភាពពិភពលោក បានបញ្ជាក់ថា មកទល់ពេលបច្ចុប្បន្ននេះ ករណីជំងឺអុតស្វាបាន​ឆ្លង​សរុប​ចំនួន ១៦ ០០០ ករណី នៅតាមបណ្តាប្រទេសចំនួន ៧៥ ជុំវិញពិភពលោក ខណៈមនុស្ស ៥នាក់ហើយនៅតំបន់អាហ្វ្រិក ដែល​បានបាត់បង់ជីវិតដោយសារតែជំងឺនេះ តែនៅតំបន់ដទៃផ្សេងទៀតមិនទាន់មានអ្នកស្លាប់នៅឡើយទេ។

ការ​ឆ្លង​ជំងឺ​នេះ​បាន​កើនឡើង ៧៧ ភាគពីខែមិថុនា ដល់​ខែកក្កដា ហើយ​ការ​ស្រាវជ្រាវបានបង្ហាញទៀតថា ការរួមភេទ​បុរសនឹង​បុរសមានហានិភ័យខ្ពស់ក្នុងការឆ្លង​ជំងឺអុតស្វា។

តាមការវាយតម្លៃរបស់ WHO ហានិភ័យនៃជំងឺអុតស្វានេះ មានកម្រិតមធ្យមនៅទូទាំងពិភពលោក និងនៅគ្រប់តំបន់ទាំងអស់ តែ​សម្រាប់​នៅ​តំបន់អ៊ឺរ៉ុប ការ​វាយតម្លៃ​បាន​បង្ហាញ​ថា​មាន​ហានិភ័យថាខ្ពស់៕