ថ្ងៃ​នេះ ថៃ​នៅ​តែ​មាន​អ្នក​ឆ្លង​កូវីដ ១៩ ថ្មីច្រើន​ជាង ១ ម៉ឺនករណី

31

របាយការណ៍​ថ្ងៃ​អង្គារ៍​នេះ ​បង្ហាញ​ថា ថៃបាន​រក​ឃើញ​ករណី​ឆ្លង​វីរុស​កូវីដថ្មី​ចំនួន ៧ ១៣៣ ករណី ស្លាប់ ១២ នាក់បន្ថែម​ទៀត ដែល​បង្ខំ​ឱ្យ​អាជ្ញាធរ​ត្រូវ​ប្រែក្លាយ​មជ្ឈមណ្ឌល​កីឡា​ខ្លះ​ទៅ​ជា​កន្លែង​ព្យាបាល​អ្នក​ជំងឺ។ ចំនួន​អ្នក​ស្លាប់​មានអាយុចន្លោះ​ពី ២១ ដល់ ៨៤ ឆ្នាំ។

ក្នុង​នោះ​វីរុស​បំប្លែង​ថ្មី​អូមីក្រុង បញ្ចេញ​ឥទ្ធិពល​កាន់តែ​ធ្ងន់ឡើងៗ​ដោយ​វា​បាន​រ៉ាប់រង​ប្រហែល ៣៣ ភាគរយ​នៃ​ចំនួន​ឆ្លងថ្មី​​ប្រចាំថ្ងៃ និង​បាន​ឆ្លង​ចូល​សហគមន៍​ដល់ខេត្ត​ចំនួន ៧៧ ទូទាំង​ប្រទេស​ថៃ។

បាំងកក ជា​តំបន់​ប្រឈម​ខ្លាំង​ជាង​គេ​ដោយ​រ៉ាប់រង​តួលេខ​ឆ្លង​ថ្មី​ដល់ទៅ ៥៩៣ ករណី តាមពីក្រោយ​ដោយ​ខេត្ត​ ឈុនបូរី ៥៨៣ ករណី និង ៥៣០ ករណី​នៅ​ខេត្ត​ សមុទ្រព្រះខ័ន។ មកទល់​ពេលនេះ ថៃមាន​ករណីឆ្លងសរុបនៅទូទាំងប្រទេស២ ២៨៤ ៦០៩ ករណី និង​អ្នកស្លាប់ ២១ ៨៥០ នាក់៕