ដំណឹងល្អ! ឧកញ៉ា ឡេង ណាវ៉ាត់ត្រា ​ផ្តល់​អាហារូបករណ៍​រហូត ៤ ពាន់​ដុល្លារ ដល់​និស្សិត ១៥០ នាក់​ទូទាំងប្រទេស

53

ឧកញ៉ា ឡេង ណាវ៉ាត់ត្រា បាន​ប្រកាស​ឧបត្ថម្ភ​អាហារូបករណ៍​សិក្សាថ្នាក់បរិញ្ញាបត្រដល់និស្សិតក្រីក្រចំនួន ១៥០នាក់ទូទាំងប្រទេស ដើម្បី​អាច​បំពេញក្តី​ស្រម៉ៃ​ពេលអនាគត​របស់​ខ្លួន​បានទៅ​លើ​មុខ​ជំនាញដូចជា វិស្វករ សំណង់ អគ្គិសនី គណនេយ្យ ទីផ្សារ គ្រប់គ្រង ព័ត៌មានវិទ្យា។

លោក​បាន​ប្រកាស​លើ​បណ្តាញ​សង្គម​ផ្ទាល់​ខ្លួន​ថា «ខ្ញុំបាទសូមឧបត្ថម្ភអាហាររូបករណ៍លើការសិក្សាថ្នាក់បរិញ្ញាបត្រដល់និស្សិតក្រីក្រចំនួន ១៥០នាក់ ដោយ​ប្អូនៗមានសិទ្ធិដាក់ពាក្យទូទាំងប្រទេស (២៥ខេត្តក្រុង)។ ក្នុងឱកាសដែលខ្ញុំបាទបានបន្តការសិក្សាថ្នាក់បរិញ្ញាបត្រនេះ ខ្ញុំបាទសូមចែករំលែកការលំបាកពីអតីតដែលមិនមានលទ្ធភាពសិក្សានៅមហាវិទ្យាល័យបាន ជួយទៅដល់ប្អូនៗនិស្សិតក្រីក្រក្នុងពេលនេះ ឱ្យ​មានឱកាសរួមដំណើរជាមួយខ្ញុំ។ ពួកយើងនឹងរៀនជាមួយគ្នា ខ្ញុំបាទនឹងផ្ដល់អាទិភាពឱកាសការងារមុនគេ ចំពោះនិស្សិតក្រីក្រទាំងនោះ ក្នុងក្រុមហ៊ុនរបស់ខ្ញុំបាទ ដែលអាចទទួលប្រាក់ខែ ពី ៣០០ ដុល្លារទៅ ៤ ០០០ ដុល្លារទៅតាមការីកចម្រើន ចំណេះដឹងអត្តចរិតបុគ្គលិកលក្ខណៈ នៃលទ្ធភាពការងាររបស់និស្សិតនីមួយៗ។

លោក​បន្ថែម​ថា លោក​នឹងចែករំលែកបទពិសោធន៍ ជាក់ស្ដែង ជូននិស្សិតក្រីក្រទាំងនោះ ដើម្បីឈានទៅរកគោលដៅអនាគតដ៏ល្អរុងរឿងរបស់ពួកគេ។ លោក​ឧកញ៉ា នឹង​ចុះ​វាយតម្លៃផ្ទាល់ចំពោះបងប្អូនដែលមានជីវភាពខ្វះខាតពិតប្រាកដ៕

Loading...