លុយ​មិន​ដល់​ iPhone 13 អាច​សម្លឹង iPhone 12 បាន​ព្រោះ​តម្លៃ​កំពុង​ធ្លាក់ថ្លៃគួរសម

85

iPhone 13 ស៊េរី​ថ្មី​ទើប​ចេញ​ប៉ុន្មាន​ថ្ងៃ​មុន​នេះតម្លៃ​ហក់​ឡើង​ជិត​ ២ ពាន់ដុល្លារ​មួយគ្រឿង ដូច្នេះ​ល្មម​ឱ្យ​អ្នក​ខ្លះ​ត្រូវដកថយ​ព្រោះ​អីអត់លុយតាម​ស៊េរី​ដូច​គេ​នោះទេ អ៊ីចឹង​មាន​តែ​ងាកទៅ​រកត្រកូល iPhone 12 ដែល​កំពុងធ្លាក់ថ្លៃ​ហើយ​ក៏​ល្មម​លទ្ធភាព​ដល់ផងដែរ។​

តាម​បណ្តា​ហាង​ដែល Angkor Post បាន​ស៉ើបសួរ តម្លៃ iPhone 12 គ្រប់ម៉ូដែល​ហាក់រាងធ្លាក់ថ្លៃ​ខ្លះដែរ ដោយ​ក្នុង​នោះ ស៊េរី iPhone 12 ទំហំ 64GB តម្លៃ ៧៩៩ ដុល្លារ, ៨៧៩ ដុល្លារ សម្រាប់ទំហំ 128GB និង ៩៧៩ ដុល្លារ សម្រាប់ទំហំ 256GB។

សម្រាប់ស៊េរី iPhone 12 Pro ទំហំ 128GB តម្លៃ ៩៩៩ ដុល្លារ និង ១០៩៩ ដុល្លារ​សម្រាប់ទំហំ 256GB។ iPhone 12 Pro Max ទំហំ 128GB តម្លៃ ១ ១៦៩ ដុល្លារ, 256GB តម្លៃ ១ ២៧៩ ដុល្លារ និង 512GB តម្លៃ ១៥៨៩ ដុល្លារ។

iPhone 12 ចេញឆ្នាំ​មុន​និង​ iPhone 13 ទើប​ចេញ​ប៉ុន្មាន​ថ្ងៃ​នេះ មាន​រាងដូចគ្នាសឹង​តែ ៩៩ ភាគរយ គ្រាន់តែ​ថា​ iPhone 13 មាន​ក្បាលឆក​រាងតូចជាងមុនប្រហែល ២០ ភាគរយហើយ​ក៏បំពាក់​បច្ចេកវិទ្យា​ថ្មី​ មានល្បឿន​លឿន​ និ​ងថែម​ទាំង​កាន់ថ្ម​ជាង​មុនផងដែរ៕

Loading...