អ្នកស្រលាញ់ Note ត្រូវដឹង ! លក្ខណៈសម្បត្តិ Galaxy Note 10 និង Galaxy Note 10 Pro

1952

កន្លងមកនេះ យើងបានទទួលពត៌មានបែកធ្លាយពីទូរស័ព្ទត្រកូលNote របស់ក្រុមហ៊ុនកូរ៉េនេះជារឿយៗ ហើយបើផ្អែកលើ ពត៌មាន ដែលទទួលបានទាំងនោះ យើងអាចរំពឹងថា Galaxy Note 10 នឹងប្រើប្រាស់អេក្រង់AMOLED កោង ទំហំ 6.3 អ៊ីញជាមួយនឹងឈីបជំនាន់ចុងក្រោយ Snapdragon 855 ចំពោះនៅទីផ្សារសហរដ្ឋអាមេរិក ហើយឈីប Exynos 9820 SoC នៅទីផ្សារអាស៊ីនឹងទីផ្សារកន្លែងផ្សេងទៀត។ ទូរស័ព្ទនេះត្រូវបានគេរំពឹងថានឹងមានការតំឡើងកាមេរ៉ាដល់តែបីគ្រាប់រួមគ្នា ក្នុងនេាះកាមេរ៉ាគោលទំហំ 12MP កាមេរ៉ាទី2ប្រភេទ ultra-wide camera ទំហំ 12 មេហ្គាភិចសែល និងកាមេរ៉ា1គ្រាប់ទៀតជា telephoto camera ទំហំ 16 មេហ្គាភិចសែល ដែលមានទំហំ 2x optical zoom។

ចំណែកឯទូរស័ព្ទបងធំ Galaxy Note 10 Pro នឹងមានអេក្រង់ AMOLED កោងទំហំ 6.7 អ៊ីញធំជាងមុនហើយនឹងបន្ថែមTime-of-Flight (ToF) ទៅនឹងកាមេរ៉ាបីនៅផ្នែកខាងក្រោយ ។ ចំពោះ Galaxy Note 10 មានថាមពលថ្ម 3400mAh គាំទ្រមុខងារសាកថ្មល្បឿនលឿន 25វ៉ាត់ រីឯGalaxy Note 10 Pro បំពាក់ដោយថាមពលថ្ម 4500mAh អាចនឹងគាំទ្របច្ចេកវិទ្យាសាកថ្មល្បឿនលឿនដល់ទៅ 45វ៉ាត់។

ទូរស័ព្ទក្រកូលNote ជំនាន់ថ្មីនេះ វានឹងមានមុខងារស្កេនស្នាមម្រាមដៃលើអេក្រង់ដែលមានគុណភាពខ្ពស់និងល្បឿនគណនា លឿនជាងជំនាន់មុន ប៉ុន្តែមិនមានរន្ធដោតកាស 3.5 មីលីម៉ែត្រទេ​ ឬប៊ូតុង Bixby ឡើយ ។ Galaxy Note 10 នឹងGalaxy Note 10 Pro ដំណើរការដោយ ប្រព័ន្ធប្រតិបត្តិការ Android 9 Pie នឹងត្រូវបានតំឡើងជាមួយផ្ទៃ One UI របស់ Sammy (Sammy’s One UI interface)។ តម្លៃនៃម៉ូដែលនេះត្រូវបានគេនិយាយថានឹងចាប់ផ្តើមពី 1,100 ទៅ 1,200 ដុល្លារ ហើយស្មាតហ្វូនទាំងពីរស៊េរីនេះ នឹងអាចចេញផ្សាយក្នុងថ្ងៃទី10 ខែសីហា ខាងមុខនេះ។

  • ប្រែសម្រួល ហុងម៉េង
  • ប្រភព phonearena