មិន​ចេះ​អស់ ​ចិន​ប្រកាស​រក​ឃើញ​វីរុសផ្ដាសាយ​ជ្រូក​ប្រភេទ​ថ្មី ​អាច​ឆ្លង​ដល់​មនុស្ស​

166

​អ្នក​វិទ្យាសាស្ត្រ​ចិន ​បាន​ប្រកាស​នៅ​ថ្ងៃ​នេះ​ថា​ពួកគេ​រក​ឃើញ​មេរោគ​ថ្មី​កើត​ឡើង​លើ​សត្វ​ជ្រូក ​ដែល​អាច​ជា​មេរោគ​រាតត្បាត​ដល់​មនុស្ស​បាន​ថែម​ទៀត​។

​ជំងឺ​ផ្ដាសាយ​ជ្រូក​ប្រភេទ​ថ្មី​នេះ​មាន​ឈ្មោះ​ថា G4 ​កកើត​ចេញ​ពី​មេរោគ H1N1 ​ដែល​ធ្លាប់​ជា​មេរោគ​រាតត្បាត​កាល​ពី​ឆ្នាំ​២០០៩​កន្លង​ទៅ។ ​វា​ជា​មេរោគ​ដែល​អាច​ឆ្លង​មក​មនុស្ស​បាន ​មិន​ខុស​ពី​មេរោគ H1N1 ​នោះ​ទេ ប៉ុន្តែ​បច្ចុប្បន្ន​នេះ​ស្ថិត​ក្រោម​ការ​ឃ្លាំមើល​នៅ​ឡើយ ​មិន​ទាន់​មាន​ឆ្លង​មក​មនុស្ស​នោះ​ទេ។

ក្រុម​អ្នក​វិទ្យាសាស្ត្រ​បាន​យក​មេរោគ​ដែល​រក​ឃើញ​នៅ​លើ​សត្វ​ជ្រូក​នោះ ទៅ​ពិនិត្យ ​មើល​ឃើញ​ថា​វា​មាន​សមត្ថភាព​អាច​បម្លែង​កោសិកា​របស់​ខ្លួន​បាន​ដើម្បី​រស់​នៅ​ក្នុង​ខ្លួន​មនុស្ស។ ​រោគ​សញ្ញា​របស់​មេរោគ​នេះ គឺ​បណ្ដាល​ឱ្យ​មនុស្ស​មាន​អាការៈ​ក្ដៅ​ខ្លួន ក្អក ​និង​កណ្ដាស់​ជា​ដើម។ ​ប្រសិន​បើ​មនុស្ស​មាន​សភាព​ទន់​ខ្សោយ ​ហើយ​ឆ្លង​មេរោគ​នេះ វា​អាច​នឹង​បណ្ដាល​ឱ្យ​ធ្ងន់ធ្ងរ​បាន​។

Loading...