Home កម្សាន្តទូទៅ ញាក់សាច់! តួហូលីវូដរឿង John Wick 3 នឹង​មកថតភាពយន្ត Jailbreak ខ្មែរ ធានាកក្រើកជាងមុន

ញាក់សាច់! តួហូលីវូដរឿង John Wick 3 នឹង​មកថតភាពយន្ត Jailbreak ខ្មែរ ធានាកក្រើកជាងមុន

403

ភាពយន្តវាយតប់ខ្នាតធំ​របស់​កម្ពុជា Jailbreak វគ្គពីរ នឹង​មាន​តួសម្តែងហូលីវូដជនជាតិឥណ្ឌូនេស៊ីពីរនាក់​ដែល​ជាតួសំខាន់​សម្តែង​ក្នុងរឿង John Wick 3 មក​សម្តែងរួមគ្នា​នឹង​តារាល្បុកតោខ្មែរតែម្តង។

តាមរយៈ​ទំព័រ​ហ្វេសប៊ុកភាពយន្ត Jailbreak បាន​បង្ហោះ​ថា «យើងខ្ញុំមានកិត្តិយសសូមបង្ហាញជូនតួអង្គសំខាន់ៗទាំង៥ រូប នៅក្នុងខ្សែភាពយន្តខ្មែរខ្នាតធំបែបវ៉ៃតប់ មានចំណងជើងថា “Jailbreak: Round 2” ដែលជាសាច់រឿងវគ្គ២របស់ភាពយន្ត Jailbreak កាលពីឆ្នាំ ២០១៧។

តារាភាពយន្តក្បាច់គុនឥណ្ឌូនេស៊ីទាំង២រូបគឺលោក Yayan Ruhian និង លោក Cecep Arif Rahman ដែលបានសម្តែងជាតួអង្គសំខាន់ក្នុងរឿង The Raid និង រឿង John Wick 3 – Parabellum។ តារាលំដាប់ហូលីវូដទាំងពីរ​នឹង​សម្តែង​រួម​គ្នា​ជាមួយ​តារាភាពយន្តក្បាច់គុនល្បុកតោខ្មែរទាំងបីគឺ លោក ហ្សង់ ប៉ូលី (Jean Paul Ly) លោក អ៊ួ​ តារា (Dara Our) និង កញ្ញា សំ ថារ័ត្ន (Sam Tharoth)។

ភាពយន្តខ្នាតធំនេះនឹងដឹកនាំរឿងដោយលោក Jimmy Henderson ដែលសហការជាមួយផលិតករភាពយន្តគឺលោក តែ ឡូយ ដូចគ្នានឹងវគ្គ១ដដែល។

បើតាមការគ្រោងទុក ភាពយន្តនេះនឹងចាប់ផ្តើមថតនៅឆ្នាំ ២០២១ ក្រោមកិច្ចសហការផលិតរួមគ្នាដោយ ផលិតកម្មកងចក្រភីកឈ័រ Kongchak Pictures និង ក្រុមហ៊ុនចែកចាយភាពយន្តវេស្ទិចមេឌាលីមីតធីត WML+៕

 

Loading...