កម្ដៅ​កាន់​តែ​ឡើង​​ខ្លាំង ចិន ​បាញ់​ទាហាន​ឥណ្ឌា ស្លាប់​៣​នាក់​កាល​ពី​យប់មិញ​នៅ​ព្រំដែន​

1525

​កង​កម្លាំង​ចិន ​និង​ឥណ្ឌា ​បាន​ប៉ះ​គ្នា​១​ប្រាវ​កាល​ពី​យប់មិញ​នេះ ដែល​ធ្វើ​ឱ្យ​ទាហាន​ឥណ្ឌា ​៣​នាក់​បាន​បាត់​បង់​ជីវិត។ ​នេះ​បើ​តាម​ការ​បញ្ជាក់​របស់​ភាគី​ឥណ្ឌា។

ជម្លោះ​នៅ​ព្រំដែន​ក្នុង​តំបន់​កាស្មៀរ​កាន់​តែ​ក្ដៅ​ឡើង ក្រោយ​ពី​ចិន​បាន​បញ្ជូន​ទាហាន​កាន់​តែ​ច្រើន​ឡើង​ទៅ​ឈរ​ជើង​នៅ​តាម​បន្ទាត់​ព្រំដែន។ ​អ្វី​ដែល​កាន់​តែ​អាក្រក់​ថែម​ទៀត​នោះ ​កង​ទ័ព​របស់​ប្រទេស​ទាំង​ពីរ​ក៏​បាន​ប៉ះ​គ្នា​១​ប្រាវ​ផង​ដែរ ​កាល​ពី​យប់​ថ្ងៃ​ចន្ទ​កន្លង​ទៅ​នេះ ដែល​បណ្ដាល​ឱ្យ​មាន​មនុស្ស​៣​នាក់​បាន​ស្លាប់។ ​

៣​នាក់​ដែល​បាន​ស្លាប់​នោះ គឺ​ទាហាន​របស់​ឥណ្ឌា​២​នាក់​និង​ម្នាក់​ទៀត​ជា​អ្នក​ធ្វើ​ការ​ក្នុង​ការិយាល័យ​យោធា​ក្នុង​តំបន់​ការស្មៀ។ ​ភាព​តានតឹង​នេះ​កើត​ឡើង​រាប់​ឆ្នាំ​មក​ហើយ ​ជា​ពិសេស​នៅ​តំបន់​ព្រំដែន​ឡាដា Ladakh នៃ​​តំបន់​​កាស្មៀ ភាគ​ខាង​ជើង​ឥណ្ឌា និង​តំបន់​ អារុណាចាល ប្រាដេស Arunachal Pradesh នៅ​ភាគ​ខាងកើតប្រទេស។ ប្រវែង​ព្រំដែន​ខណ្ឌ​ចែក​ប្រទេស​ទាំង​ពីរ ក៏​មាន​តួលេខ​ខុស​គ្នាដែរ។ ឥណ្ឌា​ប្រកាស​ជា​ផ្លូវការមានព្រំដែន​៣៥០០​គីឡូម៉ែត្រ​ជា​ចិន ឯ​សារព័ត៌មានរដ្ឋចិន​វិញ ថា​មាន​តែ​២០០០គីឡូម៉ែត្រ។ ​ការ​មិន​ឯកភាព​គ្នា​នេះ​ហើយ ទើប​បណ្ដាល​ឱ្យ​ពេល​នេះ​ជម្លោះ​កាន់​តែ​ផុង​ជ្រៅ​ទៅ៕

Loading...