លោក​ជំទាវថា ក្រពើអ្នក​តា​​លែង​ចូល​ទក្សិណអង្គរ តាមពិត​ទិញពីក្មេងស្ទូច​បាន ម្យ៉ាង​ក៏គ្មាន​បំរាមហាមលែងកូនក្រពើទីនោះ​ដែរ

725

ក្រោយ​ផ្ទុះ​ការ​រិះគន់រឿង​លែង​កូន​ក្រពើចូល​ទក្សិណអង្គរ លោក​ជំទាវ ហ៊ុន ស៊ីណាត បាន​ចេញ​មុខ​បកស្រាយ​លើ​គណ​នីយ​ហ្វេសប៊ុក​របស់​ខ្លួនភ្លាមៗ​តែម្តង។

លោក​ជំទាវបាន​សរសេរ​ដូច្នេះ​ថា «ថ្ងៃនេះមានអ្នកជេរខ្ញុំច្រើនដោយសាព្រលែងក្រពើ អ្នកដែលជេរខ្ញុំសូមអនុមោទនាទទួលយកទាំងអស់ តែក្មេងស្ទូចបានទីនោះខ្ញុំទិញវាព្រលែងវិញទៅ ។ ម្យ៉ាងទៀតខ្លួនខ្ញុំមិនបានឃើញបម្រាមហាមឃាត់មិនឲ្យលែង កូនត្រី កូនក្រពើនោះទេ។»

ក្រៅ​ពីនោះ​ មនុស្ស​ដែល​ស្គាល់លោក​ជំទាវ​ថា​ជា​មនុស្ស​ចូល​ចិត្ត​ធ្វើ​បុណ្យកុសល្យដែល​មានគណនីយហ្វេសប៊ុក​ឈ្មោះ Sophal Battambang បាន​អះអាងថា «តាមពិតការព្រួយបារម្មណ៍របស់បងប្អូនប្រជាពលក៏មិនខុសដែរ តែសម្រាប់អ្នកមីង ស៉ីណាត ក៏គ្មានបំណងអាក្រក់អីដែរព្រោះកូនក្រពើគឺកើតចេញពីមេក្រពើ ចឹងបើក្រពើនោះខាំមនុស្សមែនមេវាច្បាស់ជាខាំមនុស្សហើយ បើចង់ចាប់ទាល់តែចាប់ទាំងអស់ ដោយសាចិត្តបុណ្យឃើញក្មេងៗចាប់ក៏អោយលែងវិញទៅព្រោះអោយជួបជុំមេកូនវាវិញ ហើយគិតថាជាក្រពើអ្នកតាហើយបានមានកូនពូនជាចៅនោម្តុំប្រាសាទ ។ មនុស្សគិតមិនដូចទេវតាគិតទេ ខុសឆ្គងសូមមេត្តាអធ្យាស្រ័យ ព្រោះអ្នកមីងគ្មានបំណងអាក្រក់អ្វីនោះទេក្រៅពីគិតរឿងបុណ្យបាប។»

ខណៈ​នេះ​អាជ្ញាធរអប្សរា​រួម​ទាំង​មន្ត្រី​ពាក់ព័ន្ធ​បាន​នាំ​គ្នា​ចេញប្រតិបត្តិការ ចាប់កូនក្រពើត្រឡប់មកវិញ មិន​ថា​ប្រើ​គ្រប់វិធី​យ៉ាង​ណានោះទេ តែ​បាន​អះអាង​ថា កូនក្រពើ​នៅតូច ដូច្នេះ​សូមបងប្អូនពលរដ្ឋកុំទាន់ព្រួយបារម្ភខ្លាំងពេក ព្រោះវា​មិនទាន់អាច​បង្កគ្រោះថ្នាក់ដល់មនុស្ស​បានទេ៕

ដោយ៖ រតនា

Loading...